पोस्टमॉर्टेम रिपोर्ट बदलण्यासाठी  दबाव 

 फलटणमधील  डॉक्टर तरुणीच्या आत्महत्येवरून आव्हाड यांचा  गंभीर आरोप 

फलटण : फलटणचे जिल्हा रुग्णालयात काम करणाऱ्या एका डॉक्टर तरुणीने तीन दिवसांपूर्वी आत्महत्या केली होती.  आत्महत्ये  पूर्वी या डॉक्टर तरुणीने एक चिठ्ठी आणि तळहातावर लिहिलेल्या मजकूरत फलटणमधील पोलीस उपनिरीक्षक गोपाळ मदने आणि आणखी एक व्यक्तीवर बलात्कार व छळ केल्याचे तसेच आत्महत्येसाठी प्रवृत्त केल्याचे आरोप केले होते.  पोलिसांनी गोपाळ बदनेला न्यायालयासमोर हजर केल्यानंतर त्याला 30 ऑक्टोबर पर्यंत पोलीस कोठडी सुनावण्यात आली आहे. 

दरम्यान या आत्महत्या प्रकरणावरून विरोधी पक्ष सरकारवर, गृहमंत्रालयावर टीका करीत आहेत . तसेच वेगवेगळे आरोप केले जात आहेत.  राष्ट्रवादी काँग्रेस पार्टी शरद पवार पक्षाचे आमदार जितेंद्र आव्हाड यांनी आरोप केला आहे, की ही आत्महत्या नसून ही संस्थात्मक हत्या आहे.  डॉक्टर तरुणीवर चुकीचे व नियमबाह्य अहवाल  देण्यासाठी तसेच काही पोस्टमार्टम रिपोर्ट (शव विच्छेदन अहवाल) बदलण्यासाठी दबाव टाकला जात होता.  ती या सगळ्यांशी  एकटी लढत होती, मात्र या सगळ्या त्रासाला कंटाळून तिने जीवन संपवले . 

जितेंद्र आव्हाड यांनी या संदर्भात एक्स वर एक पोस्ट केली आहे . या पोस्टमध्ये त्यांनी म्हटले आहे की फलटणमधील डॉक्टर तरुणीची  आत्महत्या नसून ती संस्थात्मक हत्या आहे.  एका शेतकरी आई बापाने मोलमजुरी करून ऊस तोडणी करून आपल्या लेकीला जिद्दीन घडवले.  ती कर्तबगार लेक  म्हणजे ही डॉक्टर.  चुकीचे नियमबाह्य अहवाल देण्यासाठी तसेच काही पीएम रिपोर्ट बदलण्यासाठी तिच्यावर स्थानिक पोलीस प्रशासन व लोकप्रतिनिधी गेल्या वर्षभरापासून प्रचंड दबाव टाकत होते ,पण डॉक्टर तरुणी कोणत्याही दबावाला न घाबरता आपली आरोग्य सेवा प्रामाणिकपणे करत होती .  ती अनेक महिन्यांपासून या प्रशासनातल्या  विरुद्ध नियतीचा लढा एकटी लढत होती.  पोलीस व प्रशासन आरोग्य विभागातील वरिष्ठ कनिष्ठ अधिकाऱ्यांनी लोकप्रतिनिधींच्या आशीर्वादाने एकत्र येऊन केलेली संस्थात्मक हत्या आहे.  आज आवाज नाही उठवला तर ही जुलमी राजवट महाराष्ट्राच्या घराघरांमध्ये अशा आत्महत्या घडवून आणेल  

आरोपीला 30 ऑक्टोबर पर्यंत पोलीस कोठडी 

या प्रकरणातील मुख्य आरोपी पोलीस निरीक्षक गोपाळ बदने याने शनिवारी रात्री उशिरा पोलिसांसमोर आत्मसमर्पण केलं.  त्यानंतर त्याला फलटणच्या अतिरिक्त जिल्हा व सत्र न्यायालयात हजर केले.  यावेळी न्यायालयाने बदने याला 30 ऑक्टोबर पर्यंत पोलीस कोठडी सुनावली आहे.