अन ..... सुशीलकुमार ढसाढसा रडला 

वेब टीम  नवी दिल्ली : सुशील कुमारच्या प्रकरणात आता अजून एक धक्कादायक सत्य समोर आलं आहे. सुशील कुमारनेच हे धक्कादायक सत्य सांगितले आहे आणि त्यानंतर तो दिल्ली पोलिसांसमोरच रडायला लागला होता.

सुशील कुमार कोणते धक्कादायक सत्य सांगून रडायला लागला, पाहा...

पोलिसांच्या कोठडीत असताना सुशील कुमारला समजले होते की, आपल्याला आता न्यायालयीन कोठडीत पाठवण्यात येणार आहे. तेव्हापासूनच तो दिल्ली पोलिसांच्या कोठडीत असताना रडायला लागला होता. सुशील कुमारला वाटते की, न्यायालयीन कोठडीमध्ये गँगस्टर काला जठेडीचे गुंड आहेत. त्यामुळे त्याच्या जीवाला या न्यायालयीन कोठडीत धोका आहे. या कोठडीत आपल्या जीवाचे बरे-वाईट होऊ शकते, असे सुशील कुमारला वाटत होते. त्यामुळे काला जठेडीबरोबर मांडवली झाल्यावर मला न्यायालयीन कोठडीत पाठवा, असे सुशील कुमारचे म्हणणे होते. पण न्यायालयाने मात्र सुशील कुमारला १४ दिवसांची न्यायालयीन कोठडी सुनावली असून त्याला काल रात्री वैद्यकीय तपासणी केल्यानंतर मंडोली येथील तुरुंगामध्ये नेण्यात आले आहे.

सुशील कुमारला बुधवारी न्यायालयात नेण्यात आले होते. त्यावेळी दिल्ली पोलिसांनी सुशील कुमारची चार दिवसांची अतिरीक्त कस्टडी मागितली होती. पण न्यायालयाने दिल्ली पोलिसांची ही मागणी मान्य केली नाही आणि त्याला १४ दिवसांसाठी न्यायालयीन कोठडी सुनावण्यात आली. सुशील कुमारला ही गोष्ट होणार असल्याचे वाटत होते. त्यामुळे सुशील कुमार दिल्ली पोलिसांसमोरच रडायला लागला होता. तुम्ही माझी कोठडी अजून काही दिवसांसाठी मागून घ्या, अशी विनवणी सुशील कुमार दिल्ली पोलिसांना करत असल्याचे दैनिक जागरण या वृत्तसंस्थेने सांगितले आहे.

सागरच्या म-त्यूनंतर सुशील कुमार हा १८ दिवस फरार होता, त्यानंतर सुशील कुमारला जेव्हा अटक करण्यात आली होती तेव्हा त्याला पोलिसांच्या कस्टडीमध्ये सहा दिवसांसाठी ठेवण्यात आले होते. त्यानंतर दिल्ली पोलिसांनी ही कस्टडी वाढून मिळावी, अशी मागणी केली होती. त्यानंतर सुशील कुमारची पोलिस कस्टडी चार दिवसांनी वाढवून दिली होती. पण आज दिल्ली पोलिसांनी केलेली मागणी न्यायालयाने मान्य केलेली नाही. त्यामुळे आता सुशीलला न्यायालयीन कोठडीमध्येच १४ दिवस राहावे लागणार आहे. त्यानंतर त्याला न्यायालयात सादर करण्यात येईल.