करोना हे जैविक शस्त्र? 

अमेरिकेच्या हाती चीनचे दस्ताऐवज

वेब टीम लंडन/मेलबर्न : करोना विषाणूबाबत चीनकडून करण्यात आलेल्या दाव्यांना स्वीकारण्यास कोणचीही तयारी नाही. अशातच चीनकडे पुन्हा एकदा संशयाची सुई वळली आहे. चीनच्या शास्त्रज्ञांनी करोना विषाणूचा वापर एक शस्त्र म्हणून करण्याबाबतची चाचपणी पाच वर्षांपूर्वीच करण्यात आली होती. त्यावेळेस तिसरे महायु्द्ध जैविक शस्त्राने लढले जाणार असल्याचा अंदाज व्यक्त करण्यात आला होता. अमेरिकेच्या परराष्ट्र खात्याला काही दस्ताऐवज मिळाले आहेत.

स्फोटक दस्ताऐवज

ब्रिटनमधील 'द सन' या वृत्तपत्राने 'द ऑस्ट्रेलियन'मध्ये प्रकाशित झालेल्या वृत्ताचा हवाला दिला आहे. अमेरिकेच्या परराष्ट्र विभागाच्या हाती स्फोटक दस्ताऐवज लागले आहेत. या दस्ताऐवजानुसार, चीनच्या पीपल्स लिबरेशन आर्मीचे (पीएलए) कमांडरकडून ही घातक भीती व्यक्त करण्यात येत होती. हा अहवाल वर्ष २०१५ मध्ये लष्करी शास्त्रज्ञ आणि वरिष्ठ आरोग्य अधिकाऱ्यांनी हा अहवाल लिहीला होता. हे सर्व जण करोनाच्या उत्पत्ती संबंधात चाचणी करत होते. 

करोना विषाणू म्हणजे 'जैविक शस्त्राचे नवे युग'

चिनी शास्त्रज्ञांनी सार्स करोना विषाणूचा उल्लेख 'जैविक शस्त्राचे नवे युग' म्हणून केला होता. पीएलएच्या या दस्ताऐवजात जैविक शस्त्रांद्वारे केलेल्या हल्ल्यातून शत्रूंच्या आरोग्य व्यवस्थेला उद्धवस्त करता येऊ शकते. या दस्ताऐवजात, अमेरिका हवाई दलाचे कर्नल मायकल जे यांचाही उल्लेख करण्यात आला आहे. त्यांनीदेखील तिसरे महायुद्ध जैविक शस्त्राने लढवले जाऊ शकते, अशी शंका व्यक्त केली होती.

चीनच्या पारदर्शीपणावर चिंता

दस्ताऐवजांनुसार, चीनमध्ये वर्ष २००३ मध्ये फैलावलेला सार्स देखील एक मानव निर्मित जैविक हत्यार असू शकते. हा दहशतवादी हल्ला असण्याची शक्यता या दस्ताऐवजात व्यक्त करण्यात आली. खासदार टॉम टगेनधट आणि ऑस्ट्रेलियातील राजकीय नेते जेम्स पेटरसन यांनी म्हटले की, करोना विषाणूच्या उत्पत्तीमुळे चीनच्या पारदर्शीपणावर प्रश्न निर्माण झाले आहे. चीनचे सरकारी वृत्तपत्र ग्लोबल टाइम्सने चीनच्या बदनामीसाठी असे वृत्त प्रकाशित केले असल्याचे सांगत 'द ऑस्ट्रेलियन'वर  ताशेरे ओढले आहेत.