लक्ष्मी कथेत श्री लक्ष्मी नारायण विवाह उत्साहात
लक्ष्मीचे आगमन माता लक्ष्मी स्वरूपात होवो-वैष्णवाचार्य युगल शरणजी महाराज
वेब टीम नगर,दि.१६ -सर्वांवर लक्ष्मीची कृपा व्हावी.अश्या प्रकारे लक्ष्मीची कृपा व्हावी कि धनासोबतच सद्विचार व सदवृत्ती मिळावी.चांगल्या कर्मासाठी सद्विचार असणे आवश्यक आहे.इर्षा,घृणा,अहंकार,असंतोष क्रोध,नित्य संशय असे स्वभावातील गुणदोष दूर होवो अशी इच्छा करावी.धनसंपत्ती पेक्षा सदविचारांची संपत्ती महत्वाचीआहे.लक्ष्मी,वैभव,सुख,शांती,समाधान,धन संपदा,ऐश्वर्य प्राप्त करण्यासाठी लक्ष्मीच्या श्री यंत्राचे पूजन करावे.दान धर्म केल्यास धनवृद्धी होईल.लक्ष्मी गोमातेच्या रूपात गोधन असणारी,स्वर्ण रूपात चमकणारी,अश्वप्रमाणे गतिमान व महत्वाकांक्षा पूर्ण करणारी,स्थिर स्वरूप प्राप्त करणारी कधीही न संपणारी अविनाशी,रथात बसलेली व हस्तिनीनादात येणारी लक्ष्मी प्राप्त होवो असे आवाहन करावे. असे श्री सुक्तम श्लोकात वर्णनआहे.माता बालकाला कधीही कोणतीही गोष्ट कमी पडू देणार नाही. लक्ष्मीचे आगमन माता लक्ष्मी स्वरूपात प्राप्त होवो.असे निरूपण लक्ष्मी कथेच्या दुसऱ्या दिवशी वैष्णवाचार्य युगल शरणजी महाराज यांनी केले. . 
लालटाकी रोड खाकीदास बाबा मठ येथे ''लक्ष्मी महात्म्य कथा'च्या दुसऱ्या दिवशी श्री लक्ष्मी नारायण विवाह थाटात मोठ्या उत्साहात झाला.भक्तिमय वातावरणात मधुर वाणीने वैष्णवाचार्य श्री युगल शरणजी महाराज यांनी लक्ष्मी महात्म्य कथेचे निरूपण केले.माता लक्ष्मी व श्री साक्षात विष्णू नारायणाचे मनमोहक व सुंदर असे रूप पाहून भाविकांनी फुलांचा वर्षाव करत त्यांचे स्वागत केले.याप्रसंगी लक्ष्मी कथेत भाविक मन्त्र मुग्ध झाले.बँड पथक व संगीतमय सुंदर अश्या शंख ध्वनींच्या निनादात श्री लक्ष्मी नारायणाचे आगमन मंडपात झाले.याप्रसंगी आनंदोत्सव साजरा करण्यात आला.महिलांनी फुगडीचा फेर धरला. वैष्णवी सुंदरकांड एवं भजन मंडळातर्फे श्री वैष्णवाचार्य श्री युगल शरणजी महाराज यांच्या हस्ते श्री रामकृष्ण अर्बन क्रेडिट सोसायटीच्या चेरमनपदी श्रीगोपाल धूत यांची निवड झाल्याने त्यांचा सत्कार करण्यात आला.कार्यक्रमात श्री लक्ष्मी (सौ.योगिनी माहेश्वरी) तर विष्णू नारायण ( सौ.राधिका लढ्ढा)यांनी सुन्दर वेशभूषा केली होती.
0 Comments