नाल्यात सापडले ७ भ्रूणांचे अवशेष : सर्व गर्भ केवळ ५ महिन्यांचे

पोलिसांचा संशय - गर्भपातानंतर फेकून दिले

वेब टीम बेळगावी : कर्नाटकातील बेळगावी येथून एक हृदयद्रावक घटना समोर आली आहे. येथे एका नाल्यात 7 भ्रूणांचे अवशेष सापडले आहेत. मिळालेल्या माहितीनुसार, हे सर्व भ्रूण बाटलीबंद सापडले होते. घटना बेळगावच्या मुडलगी शहरातील बसस्थानकाची आहे. याप्रकरणी पोलिसांनी गुन्हा दाखल करून तपास सुरू केला आहे.

बसस्थानकाच्या आजूबाजूच्या रुग्णालयांनी गर्भपात केल्यानंतर हे सर्व गर्भ फेकून दिले असावेत, अशी भीती पोलीस आणि आरोग्य अधिकारी व्यक्त करत आहेत. शहरातील सहा प्रसूती दवाखाने आणि स्कॅनिंग सेंटर हे कोणत्याही प्रकारच्या रॅकेटचा भाग आहेत का, याची पडताळणी करण्यात येणार असल्याचे पोलिसांनी सांगितले.

सर्व गर्भ अवघ्या 5 महिन्यांचे होते

जिल्हा आरोग्य अधिकारी (DHO) महेश कोणे यांनी सांगितले की, एका डब्यात सात भ्रूण सापडले होते, ते सर्व फक्त 5 महिन्यांचे होते. कोणे यांनी दिलेल्या माहितीनुसार, मुदलगी शहरातील व्यंकटेश मॅटर्निटी अँड इन्फर्टिलिटी सेंटरने गर्भाचा पुरेसा विकास न झाल्याने गर्भपात केल्याचे मान्य केले. हे स्त्री भ्रूण हत्येच्या रॅकेटचेही प्रकरण असू शकते, अशी भीतीही कोने यांनी व्यक्त केली आहे.

सर्व भ्रूण शवविच्छेदनासाठी पाठवण्यात आले असून त्यानंतर त्यांचे खरे लिंग आणि हत्येमागचे कारण कळू शकेल, असे त्यांनी सांगितले.

पाच डब्यांमध्ये सात भ्रूणांचे मृतदेह सापडले

कोणे यांनी दिलेल्या माहितीनुसार, उपायुक्तांच्या नेतृत्वाखालील एक पथक प्री-नॅटल लिंग निर्धारण प्रतिबंधासाठी कार्यरत आहे. यासाठी आशा वर्कर्सचाही सेवेसाठी वापर केला जातो. जिल्हा आरोग्य कार्यालयाने अद्याप गर्भाचे लिंग उघड केलेले नाही. एका नाल्यातून एकूण पाच डबे सापडले असून त्यात सात भ्रूण आहेत.

2013 मध्ये नदीच्या काठावर 13 गर्भ सापडले होते

कर्नाटकात अशी घटना घडण्याची ही पहिलीच वेळ नाही. यापूर्वी 2013 मध्ये बेळगावीतील हिरण्यकेशी नदीच्या काठावर 13 भ्रूणांचे मृतदेह सापडले होते.