वराच्या मेव्हणीला मारण्यासाठी पाठवला होता टेडी बेअर बॉम्ब

चुकून वरापर्यंत पोहोचली भेट

वेब टीम नवसारी : जिल्ह्यातील मींधावरी येथे लग्नाच्या भेटीत सापडलेल्या टेडी बेअर स्फोट प्रकरणात खळबळजनक खुलासा झाला आहे. हे प्रकरण अपघात नसून हत्येचा कट रचल्याचा गुन्हा मानून दोघांना अटक करण्यात आली आहे. स्फोटात गंभीर जखमी झालेल्या वराच्या सासरच्यांनी टेडी बेअर त्यांच्या मोठ्या मुलीच्या प्रियकराने पाठवल्याची फिर्याद दिली आहे; कारण त्याला तिला आणि तिच्या मुलीला मारायचे होते, पण, चुकून ही भेट नवविवाहित लहान मुलीच्या सासरी पोहोचली, जिथे तिचा नवरा गंभीर जखमी झाला.

मींधावरी येथे १२ मे रोजी झालेल्या लग्नात पाहुण्यांनी भेटवस्तू दिल्या. लग्नानंतर पाच दिवसांनी म्हणजेच मंगळवारी लतेश गावित घरी आपल्या फावल्या क्षणांत एक एक करून या भेटवस्तू पाहत होते. यादरम्यान, जेव्हा त्याला इलेक्ट्रॉनिक टेडी बेअर दिसला तेव्हा त्याने त्याच्या 3 वर्षांच्या पुतण्यालाही त्याला पाहण्यासाठी बोलावले होते.

त्यानंतर ते चालू करण्यासाठी प्लग इन केले आणि मग एक मोठा आवाज झाला. स्फोट इतका जोरदार होता की त्याचा आवाज दूरपर्यंत ऐकू आला. स्फोटाचा आवाज ऐकून घरातील सदस्यांनी खोलीकडे धाव घेतली असता लतेश व त्याचा पुतण्या रक्ताच्या थारोळ्यात पडलेल्या अवस्थेत होते. लतेशच्या डाव्या हाताचे मनगट कापले गेले. त्याचवेळी पुतण्याच्या अंगातून रक्तही वाहत होते.

दोन्ही डोळे पूर्णपणे खराब झाले

लतेश या तरुणाच्या डोळ्यांना पूर्ण इजा झाली आहे यावरून स्फोटाची तीव्रता किती होती याचा अंदाज लावता येतो. त्यांच्या डाव्या हाताचे मनगट हातापासून वेगळे झाले असून छातीही भाजली आहे. जखमींना उपचारासाठी नवसारी येथील खासगी रुग्णालयात दाखल करण्यात आले आहे. यासोबतच वराचा जखमी पुतण्या जियास पंकज याच्यावरही रुग्णालयात उपचार सुरू आहेत.

आशा वर्करच्या हस्ते भेटवस्तू पाठविण्यात आल्या

कुटुंबीयांनी दोघांनाही उपचारासाठी रुग्णालयात नेले, मात्र त्यांची प्रकृती चिंताजनक आहे. लतेशचे सासरे हरीश भाई यांनी दिलेल्या माहितीनुसार, त्यांच्या मुलीचा लग्नापूर्वी राजू धनसुख पटेल नावाचा तरुण पाळत होता. त्यांनी हे टेडी बेअर गावातील एका आशा वर्करकडे पाठवले होते. वास्तविक, त्यावेळी गर्दी असल्याने ती भेट पाठवणाऱ्या व्यक्तीकडे कुणी लक्ष दिले नाही, मात्र आता या घटनेमागे मोठे षडयंत्र असल्याचे सर्वांना दिसत आहे. मिळालेल्या माहितीनुसार, आशा वर्करची ओळख पटली आहे.

या प्रकरणी पोलिसांनी माहिती दिली की, ज्या मुलीचे लग्न झाले आहे. तिची विवाहित मोठी बहीण आणि तिच्या लहान मुलीला मारण्यासाठी तिच्या प्रियकराने टेडी बेअरमध्ये डिटोनेटर आणि जिलेटिनची कांडी  टाकली. यासाठी पोलिसांनी राजेश पटेल आणि त्याचा साथीदार मनोज पटेल यांना अटक केली आहे. विवाहित राजेश आणि नवविवाहित जोडप्याची मोठी बहीण 7 वर्षांपासून लिव्ह-इनमध्ये होती आणि या नात्यात तिला 6 वर्षांची मुलगी देखील होती. दोघांनाही मारण्यासाठी राजेशने ही मृत्यू भेट पाठवली होती.