लग्नास नकार दिल्याने ६ मैत्रिणीनी केले विषप्राशन तिघींचा मृत्यू तिघी अत्यवस्थ 

वेब टीम औरंगाबाद : बिहारच्या औरंगाबादमध्ये प्रेमात अपयशी ठरलेल्या तरुणीने आणि तिच्या ५ मैत्रिणीनी  विष खाल्ले .त्यात  तिघींचा मृत्यू झाला, तर तिघींना रुग्णालयात दाखल करण्यात आले आहे. मुलीचे तिच्या भावाच्या मेव्हण्यावर प्रेम होते, मात्र प्रियकराने लग्नास नकार दिला. मृत्यू झालेल्या दोन मुलींचे वय 14 वर्षे आहे, तर एक 15 वर्षांची आहे. तिघीही वेगवेगळ्या कुटुंबातील आहेत.

ही घटना शुक्रवारी रात्री जिल्ह्यातील कसमा पोलीस स्टेशन हद्दीतील चिरैला गावातील आहे. तीन अल्पवयीन मुलींच्या मृत्यूने संपूर्ण गावात शोककळा पसरली आहे. 

प्रशासकीय अधिकारी गावात पोहोचले, तपास सुरू केला

बघौरा पंचायतीचे प्रमुख अनुज सिंह यांनी सांगितले की, गावातील मुलगी तिच्या प्रियकराला भेटण्यासाठी गुरुरू येथे गेली होती. बहीण आणि 4 मुलीही 

तिच्यासोबत गेल्या. प्रियकर आणि या लोकांमध्ये काहीतरी घडले. गावी परतल्यानंतर सर्वांनी विष प्राशन केले. या सर्वांना मगध मेडिकल कॉलेजमध्ये उपचारासाठी नेले असता तिघीना  डॉक्टरांनी मृत घोषित केले.

एसपी कांतेश कुमार मिश्रा यांनी सांगितले की, सहा मुलीं पैकी एकीचे भावाच्या मेहुण्यासोबत प्रेमसंबंध होते. ते गुरुवा येथील रहिवासी आहेत. त्याचे नाव बिट्टू. तरुणी प्रियकराशी लग्नाबाबत  बोलली , मात्र प्रियकराने त्याला साफ नकार दिला. यानंतर सर्व मैत्रिणीनी  घराबाहेर पडून विष प्राशन केले, त्यामुळे तिघीचा मृत्यू झाला.

कुटुंबीयांनी काहीही सांगण्यास नकार दिला

येथे तीन अल्पवयीन मुलींच्या मृत्यूनंतर मृतदेहाचे शवविच्छेदन करण्यासाठी सदर रुग्णालयात पोहोचलेल्या नातेवाईकांनी काहीही बोलण्यास नकार दिला. दोन्ही मृत मुलींच्या वडिलांनी आपल्याला काहीही माहिती नसल्याचे सांगितले. ते कामासाठी निघाले होते. मुलीने विष प्राशन केल्याने तिचा मृत्यू झाल्याची माहिती आहे.