कंगना रणौतला जीवे मारण्याची धमकी

 कंगना रणौतला जीवे मारण्याची धमकी

मनाली पोलीस स्टेशनमध्ये नोंदवली तक्रार 

वेब टीम मनाली : बॉलीवूडची प्रसिद्ध अभिनेत्री कंगना रणौत आता पुन्हा एकदा चर्चेत आली आहे. कंगनाला जीवे मारण्याची धमकी देण्यात आल्याची माहिती  समोर आली  आहे. सोशल मीडियावरून कंगनाला तशी धमकी देण्यात आली आहे.

आपल्या वादग्रस्त वक्तव्यांमुळे आणि ट्विट्समुळे कायमच चर्चेत राहणाऱ्या कंगनाला आता सोशल मीडियावरून जीवे मारण्याची धमकी मिळाल्याने, तिने याप्रकरणी पोलीसात तक्रार दाखल केली असून, धमकी देणाऱ्याविरोधात फिर्याद नोंदवली आहे.

कंगनाने पोलिसांना सांगितले की, तिला सोशल मीडियावरून एक व्यक्तीने जीवे मारण्याची धमकी दिली आहे. यानंतर कंगनाने मनाली पोलीस स्टेशन गाठून तिथे धमकी देणाऱ्याविरोधात फिर्याद दिली आहे.

याबाबत कुल्लूचे पोलीस अधिक्षक गुरदेव शर्मा यांनी माहिती देताना सांगितले की, कंगना रणौतने मनाली पोलीस स्टेशनमध्ये एक तक्रारपत्र दिले आहे, ज्यामध्ये तिने लिहिले की, सोशल मीडियावर एका व्यक्तीने जीवे मारण्याची धमकी दिली आहे. पोलिसांनी कलम २९५ ए, ५०४, ५०५,५०६,५०९ आयपीसी अंतर्गत प्रकरण प्रविष्ट केले आहे.

शीखांसंदर्भातील वादग्रस्त वक्तव्यावरून अभिनेत्री कंगना रणौतच्या अडचणीत वाढ

दरम्यान, शीखांसदर्भातील वादग्रस्त वक्तव्यावरून कंगना रणौतच्या अडचणीत वाढ झालीय. आम आदमी पक्षाचे आमदार आणि दिल्ली विधानसभेच्या शांतता आणि सद्भावना समितीचे अध्यक्ष राघव चड्डा यांनी कंगनाला समन्स पाठवलं आहे. त्यामुळे या प्रकरणात कंगनाला ६ डिसेंबर रोजी दुपारी १२ वाजता समितीसमोर हजर राहावे लागणार आहे. कंगनावर शिख समुदायाविरोधात बदनामीकारक वक्तव्य केल्याचा आरोप आहे

Post a Comment

0 Comments