करोनाचा डेल्टा वेरिएंट धोकादायक बनतोय;WHO चा  'हा' इशारा

वेब टीम जिनिव्हा: जगभरात करोना महासाथीच्या आजाराचे थैमान सुरूच आहे. करोना विषाणूचे स्वरुप बदलत असून जगभरात चिंता व्यक्त केली जात आहे. जागतिक आरोग्य संघटनेचे महासंचालक टेड्रोस घ्रेबेयसेस यांनीदेखील करोना महासाथीबाबत इशारा दिला आहे. सध्याच्या काळात जगात करोना महासाथीचा आजार सर्वात धोकादायक टप्प्यावर असल्याचे त्यांनी सांगितले. करोनाचा डेल्टा वेरिएंट अधिक संसर्गजन्य असून सातत्याने स्वरुप बदलत आहे. लसीकरण झालेल्या देशांमध्ये करोनाबाधितांची संख्या वाढत असल्याचे त्यांनी सांगितले.

जागतिक आरोग्य संघटनेचे महासंचालक घ्रेबेयसेस म्हणाले, जगातील सर्वच देशांना करोनाचा धोका आहे. डेल्टा वेरिएंट धोकादायक आहे. डेल्टा वेरिएंट स्वरुप बदलत असल्याने त्याच्या संसर्गावर लक्ष ठेवण्याची आवश्यकता असल्याचे त्यांनी सांगितले. जवळपास ९० देशांमध्ये डेल्टा वेरिएंटचा फैलाव झाला असून काही देशांमध्ये वेगाने संसर्ग फैलावत आहे. सार्वजनिक आरोग्य व्यवस्था बळकट करण्यासह करोना चाचणीचे प्रमाण वाढवणे, अधिक लवकर बाधित शोधणे, विलगीकरण आदी बाबी महत्त्वपूर्ण असल्याचे त्यांनी सांगितले.

सार्वजनिक ठिकाणी मास्कचा वापर, योग्य अंतर ठेवणे, अधिक गर्दीची ठिकाणे टाळणे आणि घरात हवा खेळती ठेवण्यासाठी पर्यायी व्यवस्था करणे महत्त्वाचे असल्याचे त्यांनी सांगितले. जगातील प्रत्येक देशाने ७० टक्के लसीकरण करण्याची आवश्यकता असल्याचे त्यांनी सांगितले.

जगातील कोणताही देश अद्याप धोक्यात् आला नाही. डेल्टा पॅटर्न धोकादायक आहे आणि कालांतराने हे बदलत असल्याने त्याचे सतत परीक्षण केले जाणे आवश्यक आहे. ही पद्धत कमीतकमी has countries देशांमध्ये आढळली आहे आणि बर्‍याच देशांमध्ये वेगाने पसरत आहे, असे ते म्हणाले. ते म्हणाले, सार्वजनिक आरोग्यासह तपासणी आणि काटेकोर पाळत ठेवणे, लवकर रोग शोधणे आणि अलगाव करणे अजूनही महत्वाचे आहे.

लस कंपन्यांना आवाहन

करोना लशीचे उत्पादन वाढवण्यासाठी फायजर, मॉडर्नासारख्या कंपन्यांनी तंत्रज्ञानाची माहिती देण्याचे आवाहन घ्रेबेयसेस यांनी केले. लस विकसित करण्याची माहिती उपलब्ध झाल्यास जगात लशीचे उत्पादन वाढवणे शक्य होईल. जेवढ्या लवकर करोना लशीचे उत्पादन वाढेल तेवढ्या अधिक प्रमाणात लसीकरण मोहीम सुरू होईल. त्याशिवाय करोना महासाथीला अटकाव करणे अशक्य असल्याचे त्यांनी सांगितले.