जिल्ह्यातील कोरोना बाधितांची संख्या दुप्पटीने वाढली ,राहात्यात २०७ कोरोना बाधित  

वेब टीम नगर : अहमदनगर जिल्ह्यातील कोरोना बाधितांच्या संख्येत चढ -उतार होत असून  तशी प्रशासनाची धाकधूकही वाढते आहे. आजची कोरोना बाधितांची संख्या कालच्यापेक्षा दुपटीने वाढली असून  नव्याने नोंद झालेल्या कोरोनाबाधितांची संख्या ५९४इतकी झाली आहे त्यामुळे जिल्ह्यातील वातावरण चिंतादायक झाले आहे.   शहरातील व्यवहार सुरळीत ठेवायचे असतील तर कोरोना प्रतिबंधक नियमांचे काटेकोर पालन नगर जिल्हावासियांना करावे लागणार आहे.

गेल्या चोवीस तासात नगर जिल्ह्यात ५९४ कोरोना बाधित रुग्णांची नोंद झाली असून शहर व तालुका निहाय रुग्ण संख्या खालील प्रमाणे अहमदनगर शहर- १०, राहता- २०७,श्रीरामपूर-२४ , संगमनेर - ५४, नेवासे- १२, नगर तालुका- २६ ,पाथर्डी - ४४ ,अकोले - २२, कोपरगाव - १५,कर्जत - १६, पारनेर - ३९, राहुरी - २८, भिंगार शहर- ०१,शेवगाव -३७, जामखेड - १३, श्रीगोंदे - ४४, इतर जिल्ह्यातील - ०२, मिलिटरी हॉस्पिटल -०० आणि इतर राज्यातील - ०० जणांचा समावेश आहे.