जिल्ह्यातील कोरोना बाधितांची परिस्थिती "जैसे थे" 

 वेब टीम नगर : जिल्ह्यात आज पुन्हा एकदा कोरोना बाधितांच्या संख्या कालच्या रुग्णसंख्ये पेक्षा कमी असली तरी कालचेच चित्र जिल्ह्यात आहे.त्यामुळे परिस्थिती जैसे थे असून प्रशासनाने लावलेले निर्बंधही आणखी कडक करण्यात येत आहे.  

गेल्या चोवीस तासात नगर जिल्ह्यात ४१३९ कोरोना बाधित रुग्णांची नोंद झाली असून शहर व तालुका निहाय वाढलेले रुग्ण संख्या खालील प्रमाणे अहमदनगर शहर- ६७४, राहता-२६४,श्रीरामपूर -६४, संगमनेर- २१०, नेवासे- २०१, नगर तालुका-३५९,पाथर्डी -१६४, अकोले -१४५, कोपरगाव -३२१,कर्जत -२०५, पारनेर -३३४, राहुरी -२६३, भिंगार शहर-४८ ,शेवगाव -२०५, जामखेड -१०७, श्रीगोंदे -४३६, इतर जिल्ह्यातील -१३५, मिलिटरी हॉस्पिटल -०१ आणि इतर राज्यातील -०३ जणांचा समावेश आहे. 

शहरातील ऑक्सिजन पुरवठ्याची परिस्थिती सुधारली असली तरी ऑक्सिजनचा तुटवडा अजूनही सुरूच आहे.मात्र रुग्णांची वाढती संख्या पाहता कोणत्याही रुग्णालयात बेड शिल्लक नसल्याची परिस्थिती असून अजूनही ऑक्सिजन बेड आणि व्हेंटिलेशन बेड साठी रुग्णांच्या नातेवाईकांची धावाधाव सुरुच आहे.