आरोग्य आहार
सोया चंक राईस
साहित्य :
छोटे सोयाबिन चंक्स ,तांदूळ , लवंग, तमालपत्र , मीठ , गाजर , मटार , फ्लॉवर , कोथींबीर , धने-जिरे पावडर.
कृती :
प्रथम सोयाबिन चंक्स पाण्यातून उकडून घ्यावेत. नंतर बासमती तांदूळ थोडे लिंबू पिळून फडफडीत शिजवून घ्यावा.
गाईच्या तुपाची फोडणी करून प्रथम त्यामध्ये लवंग ,तमालपत्र घालावे , त्यामध्ये लांब चिरलेला गाजर , मटार, बारीक चिरलेला फ्लॉवर घालून झाकण ठेऊन वाफवून घ्यावे दोन वाफ आल्यानंतर उकडलेले सोया चंक्स घालून एक वाफ आणावी.
त्यानंतर शिजवलेला बासमती भात, मीठ धने-जिरे पावडर , चवीपुरती (चिमूटभर) साखर घालून एक वाफ आणावी. बारीक चिरलेली कोथिंबीर घालून सर्व्ह करावे.
पोषण मूल्ये :
सोयाबीन चंक्समुळे प्रोटीनयुक्त डिश तयार होते. त्याचप्रमाणे तांदळामधून कार्बोहायड्रेट्स तर गाजर,मटार,फ्लॉवर यामुळे फायबर तसेच साजूक तुपातून गुड फॅट्स मिळतात. त्यामूळे प्रोटीन , फायबर , कार्बोहायड्रेट्स आणि गुड फॅट्स युक्त असा पदार्थ तयार होतो.
अनुपमा वैभव जोशी : ९४०४३१८८७५
* Dietitian and Nutritionist
* B.Sc in Food Science and Nutrition
* Diploma in Nutrition and Health Education
* Diploma in Yog Shikshak
0 Comments