देवेंद्र फडणवीसाना पोलिसांनी घेतले ताब्यात 

वेब टीम मुंबई : पोलिसांनी बुधवारी भाजपचे ज्येष्ठ नेते आणि माजी मुख्यमंत्री देवेंद्र फडणवीस आणि महाराष्ट्रातील भाजपाच्या अन्य नेत्यांना ताब्यात घेतले. या  नेत्यांनी  महाराष्ट्राचे मंत्री आणि राष्ट्रवादीचे नेते नवाब मलिक यांच्या राजीनाम्याची मागणी करत निषेध मोर्चा काढला होता . विशेष म्हणजे नवाब मलिक यांच्या राजीनाम्याच्या मागणीसाठी महाराष्ट्र भाजप गेल्या अनेक दिवसांपासून ठाम आहे. दाऊद इब्राहिम मनी लाँड्रिंग प्रकरणात नवाब मलिकला ईडीने ताब्यात घेतले होते. न्यायालयाने मलिकची ईडी कोठडीत रवानगी केली होती. मलिक यांच्या राजीनाम्याची मागणी करण्यासाठी भाजप महाराष्ट्रातील उद्धव सरकारवर सातत्याने दबाव आणत आहे. त्याचवेळी मलिक यांचा राजीनामा कोणत्याही किंमतीत स्वीकारणार नसल्याचे राष्ट्रवादीने म्हटले आहे.

महाराष्ट्राचे माजी मुख्यमंत्री देवेंद्र फडणवीस यांनी शेतकऱ्यांच्या प्रश्नावरून राज्यातील उद्धव ठाकरे सरकारवर हल्लाबोल करताना त्यांच्या वीज कनेक्शन तोडल्याचा निषेध केला. यामुळे शेतकऱ्यांना आत्महत्येसारखे पाऊल उचलावे लागत असल्याचे ते म्हणाले.काही दिवसांपूर्वी सूरज जाधव या २३ वर्षीय शेतकऱ्याने फेसबुक लाईव्हवर आत्महत्या केली होती. मंगळवारी पत्रकार परिषदेत हा मुद्दा उपस्थित करत फडणवीस म्हणाले की, वीज कनेक्शन तोडल्यामुळे सूरज जाधव यांना आपले पीक पूर्णपणे उद्ध्वस्त होईल, असे वाटत होते. त्यांनी फेसबुक लाईव्हवर सरकारला दोष देत आत्महत्या केली. फडणवीस यांच्या म्हणण्यानुसार या सरकारने सूरज जाधव यांना आत्महत्या करण्यास भाग पाडले. तुमच्याकडे जे असेल ते बिल भरा, असे आश्वासन राज्याचे उपमुख्यमंत्री अजित पवार यांनी दिले होते. आम्ही तुम्हाला मे पर्यंत दिलासा देऊ. असे असूनही कनेक्शन तोडण्याचे थांबले नाही. सरकारच्या बोलण्यात आणि वागण्यात तफावत आहे. शेतकऱ्यांचा छळ होत आहे. ठाकरे सरकार हे शेतकरी विरोधी सरकार आहे.

 याआधी फडणवीस यांनी विधानसभेत पेन ड्राईव्ह दाखवून राज्य सरकारच्या वकील कार्यालयात विरोधी पक्षातील प्रमुख नेत्यांना गोवण्याचा कट रचला जात आहे. हे पेन सभापतींकडे सुपूर्द करताना फडणवीस म्हणाले की, यात सुमारे सव्वाशे तासांचा  व्हिडिओ आहे, ज्यामध्ये विरोधी पक्षाच्या नेत्यांच्या विरोधात रचले जाणारे षडयंत्र उघड  करण्याचा प्रयत्न केला आहे.